Praktikant/e në Teknologji Informative

Praktikant/e në Teknologji Informative

IPKO është në kërkim të një praktikanti/e të kualifikuar, i/e cili/a ka dëshirë t’i bashkohet ekipit tonë të teknologjise informative. Ky praktikant duhet të përgatitet të punojë në një mjedis ekipor dinamik dhe në fund të praktikës do të ketë fituar përvojë të gjerë në aspekte të ndryshme të teknologjisë informative.

Përgjegjësitë

• Punë në Sistemi operativ Windows, punë me pjesët e hardware-it të kompjuterit
• Instalimi i software-it, pune ne rrjetin kompjuterik.

Kërkesat

IPKO është në kërkim të një studenti universitar nga e gjithë Kosova. Ky person, duhet të ketë shkathtësi ndërpersonale dhe të zgjidhjes së problemeve, si dhe të jetë në gjendje që njëkohësisht të menaxhojë disa procese pune.

Përvoja me PowerPoint-in, Word-in dhe Excel-in është bonus dhe do të merret parasysh kur të bëhet zgjedhja e aplikantit më të mirë për këtë pozitë të praktikës së punës.

Ai/ajo duhet të jetë student/e në degën: Shkenca Kompjuterike

Pozita e praktikantit ju ofron mundësi të:

• Eksploroni mundësitë e karrierës – duke punuar në fushën që keni zgjedhur, do të keni mundësi të përjetoni nga afër rrugën tuaj potenciale të karrierës
• Krijoni rrjet – takoni një shumëllojshmëri të njerëzve në profesionin tuaj të zgjedhur, përmes praktikës suaj të punës, e cila ju mundëson të formoni marrëdhënie tek të cilat mund të mbështeteni në të ardhmen
• Gjeni mentorë – disa individë të caktuar mund t’ju ndihmojnë duke ju udhëhequr gjatë kohës së praktikës së punës dhe t’ju ekspozojnë ndaj mundësive drejt të cilave ju mund të aspironi

Ne i vlerësojmë të gjithë praktikantët tanë dhe përpiqemi maksimalisht që të sigurojmë që ju do të merrni përvojë nxënieje e cila iu përshtatet qëllimeve tuaja të karrierës. Gjithashtu, do të mësoni edhe si të punoni në një mjedis profesional dhe do të keni mundësi të panumërta për të vendosur kontakte me udhëheqësit e departamenteve dhe me profesionistë të tjerë në fushën e teknologjisë informative .

Detaje:

Praktika fillon më 1 qershor dhe përfundon më 31 gusht.

Vendi i punes: Prishtinë

Afati i fundit per aplikim eshte data 26.04.2019